Aİ Sədri Von der Leyen: "Avropa Qəzzanın Yenidən Qurulmasında İştirak Etməlidir"

Avropa İttifaqı (Aİ) Komissiyasının sədri Ursula Von der Leyen Fransanın Strasburq şəhərində keçirilən Avropa Parlamentinin (AP) iclasında çıxış edərək Avropanın Qəzza zolağının bərpası işində iştirak etməsinə çağırıb. Bu iclas Aİ Komissiyasının 2026-cı il üçün İş Proqramına həsr olunmuşdu. Von der Leyen çıxışı zamanı Avropanın müstəqilliyi mövzusunun bu gün həmişəkindən daha vacib olduğunu qeyd etdi. O vurğuladı ki, "Bizim Avropamız müstəqil Avropa olmalıdır" viziyonunu reallaşdırmaq üçün artıq heç bir zaman itirmək olmaz.

Sədr dünya nizamı və təhlükəsizlik məsələlərinə toxunaraq, Rusiya tərəfindən aparılan müharibənin nəticələrinin Avropanın təhlükəsizlik sistemini on illərlə formalaşdıracağını bildirdi. O, həmçinin Qəzzadakı müharibənin nəhayət bitə biləcəyinə dair ümidin olduğunu qeyd etdi. Regional və qlobal nizam yenidən cızılır və Avropa bəzi böyük güclərin ona qarşı laqeyd və ya hətta düşməncəsinə münasibət sərgilədiyi bir dünyada öz yerini müdafiə etməlidir. Məhz bu kontekstdə Von der Leyen, Aİ-nin Qəzzanın yenidən qurulması prosesində fəal rol oynamasının zəruriliyini dilə gətirdi.

Komissiya sədri, Avropanın daha geniş regional məsələlərə cəlb edilməsinin lazım olduğunu da bildirdi. O, Aİ-nin Fələstində iki dövlətli həll yolunun canlandırılmasına və yeni bir Suriyanın yaranmasına yardım etmək üçün səylər göstərməsinin lazım olduğunu vuruğuladı. Sonda, Von der Leyen Avropa qitəsi üçün Ukraynada daimi və ədalətli sülhün təmin edilməsinin böyük əhəmiyyətə malik olduğunu qeyd edərək çıxışını tamamladı.