Çin Müdafiə Naziri ABŞ həmkarının görüş təklifini rədd etdi

Çin Müdafiə Naziri Donq Cun, Laosda keçirilən regional təhlükəsizlik görüşü zamanı ABŞ Müdafiə Naziri Lloyd Ostinin görüş təklifini rədd edib.

Cənub-Şərqi Asiya Ölkələri Assosiasiyası (ASEAN) üzvləri, ABŞ, Yaponiya, Cənubi Koreya, Avstraliya və Çindən nümayəndələr Laosun paytaxtı Vyentianda bir araya gəlmişdilər. Görüş zamanı Donq Cun, Ostinin görüş təklifini qəbul etməyib.

Ostinin sözlərinə görə, bu vəziyyət təəssüf doğurur və regiona təsir göstərir. Çünki regionun iki əsas oyunçusunun bir-biri ilə görüşməsini istəyir. O, bu hadisənin gələcək əlaqələrə təsir edəcəyindən şübhə etmir və Çin tərəfinin niyə bu fürsətdən istifadə etməməyi seçdiyini ancaq onların özləri izah edə bilər.

Qeyd edək ki, iki nazir sonuncu dəfə may ayında Şanqri-La Dialoqunun kənarında görüşmüşdülər. Görüşdə Tayvan məsələsindəki fikir ayrılıqları təkrar vurğulandı, lakin hərbi əlaqələrin açıq saxlanmasının əhəmiyyəti qeyd edildi.

Tayvanın müstəqilliyini tanımayan və öz ərazisinin bir parçası hesab edən Çin, üç həftə əvvəl ABŞ-ın Tayvana 2 milyard dollar dəyərində silah satışı qərarını sərt tənqid etmiş və "öz ərazi bütövlüyünü qorumaq üçün qəti tədbirlər görəcəyini" bildirmişdi.