Əliyar Ağayev UEFA Çempionlar Liqasında Oyun Hakimliyi Edəcək
Azərbaycanın tanınmış FİFA referisi Əliyar Ağayev UEFA-dan növbəti təyinatı alıb.
AFFA-nın rəsmi saytından verilən məlumata görə, Ağayev UEFA Çempionlar Liqasının Liqa mərhələsinin II turunda "Şturm” (Avstriya) - "Brügge” (Belçika) oyununun baş hakimliyinə təyin olunub.
Əliyar Ağayevə Zeynal Zeynalov və Akif Əmirəli köməkçi hakim, Tural Qurbanov isə dördüncü hakim kimi çıxış edəcəklər. Oyunun VAR hakimliyi isə İngiltərədən Devid Kut və Stüart Attuellə həvalə olunub.
Klaqenfurt şəhərindəki "Verterze” stadionunda keçiriləcək görüş Bakı vaxtı ilə saat 23:00-da başlayacaq.
