Ermənistanda qızıl yatağında 3 meyit aşkarlanıb

Ermənistanda Meqradzor icması yaxınlığında istismar olunmayan qızıl mədənində 3 kişi meyiti aşkarlanıb.

Bu məlumatı Ermənistanın Böhran Mərkəzi yayıb.

Şaxtada meyiti tapılanların Hayk S. (1986), Baqrat X. (1991) və Aram Q. (1993) olduğu məlum olub.

Hadisə yerinə Meqradzor icmasının müvəqqəti başçısı N.Arutyunyan, təcili tibbi yardım işçiləri və polis əməkdaşları cəlb olunub.

Hazırda meyitlərlə bağlı məsələ araşdırılır.