Ermənistanın hakim fraksiyasının başçısı: - "Robert Köçəryandan qorxmuruq" | Son Xeberler

Ermənistanın hakim fraksiyasının başçısı: "Robert Köçəryandan qorxmuruq"

08.02.2021 19:30 525 baxış sayı 2 dəq. oxuma

"Biz Robert Köçəryanın növbədənkənar parlament seçkilərində iştirakından qorxmuruq. Onun bu qərarını müzakirə etməmişik”.

Bunu Ermənistanın hakim "Mənim addımım” parlament fraksiyasının başçısı Lilit Makunts ölkənin keçmiş prezidenti R.Koçaryanın siyasətə qayıdışı ilə bağlı açıqlamasına münasibət bildirərkən deyib.

"Qərarı qorxudan qəbul etməyimiz mümkün deyil. Növbədənkənar parlament seçkilərinin keçirilməsi məsələsi tərəfimizdən təklif edilib”, - o bildirib.

Fraksiya başçısı söyləyib ki, Ermənistanın böhrandan çıxması ilə bağlı "yol xəritəsi” reallaşdırmağı davam etdirirlər. Bunun nəticələrinə əsasən, növbədənkənar seçkilərin keçirilməsi məsələsini müzakirə etmək olar.

Onun sözlərinə görə, növbədənkənar parlament seçkilərinin keçirilməsini parlamentdəki müxalifət, eləcə də parlamentdənkənar qüvvələr tərəfindən də müsbət qarşılanmayıb. Deputat bu ilin iyununda "yol xəritəsi”nin həyata keçirilməsinə yekun vuracaqlarını bildirib.

Leyla Həsənova

Siyasi şərhçi

Siyasi prosesləri analiz etmək mənim işimdir. Beynəlxalq münasibətlər fakültəsini bitirdikdən sonra jurnalistikaya keçdim. Regionda baş verənləri izlə...

Bütün məqalələrə baxın