Esadın çıxışı zamanı Erdoğanın reaksiyası diqqət çəkdi

Prezident Rəcəb Tayyib Erdoğan, İslam Əməkdaşlığı Təşkilatı - Ərəb Liqası Fövqəladə Ortak Zirvəsinə qatılmaq üçün “CAN” adlı xüsusi təyyarəsi ilə Səudiyyə Ərəbistanının paytaxtı Riyada gəldi. Suriyanın Dövlət Başkanı Bəşər Əsəd də zirvəyə qatılmaq üçün Səudiyyə Ərəbistanına gəldi.

Zirvədə maraqlı anlar yaşandı. Suriyanın Dövlət Başkanı Əsəd çıxışa başlayanda Prezident Erdoğan salonu tərk etdi.

Zirvədə liderlərin bir arada foto çəkdirdiyi anda Erdoğan və Əsəd eyni kadrda yer aldı. Erdoğan ilə Əsədin Riyadda mümkün görüşü barədə hər hansı rəsmi açıqlama verilmədi.

Prezident Erdoğan sentyabr ayında Nyu-Yorka getməzdən əvvəl verdiyi açıqlamada, BMT işləri çərçivəsində, Suriyalı həmkarı Bəşər Əsəd ilə münasibətləri "normallaşdırmaq" üçün bir araya gəlmək istəyini bildirmişdi. İki ölkə Suriyadakı münaqişənin başlaması ilə 2011-ci ildə rəsmi olaraq bütün münasibətlərini kəsmişdi.

Əsəd keçən aylarda verdiyi açıqlamada Türkiyə ilə münasibətləri düzəltmə səylərinin "indiyə qədər konkret nəticə vermədiyini" söyləmişdi. Görüşmələrə başlamaq üçün Türkiyənin əsgərlərinin geri çəkilməsinin bir ön şərt olmadığını söyləyən Əsəd, "Təşəbbüslər, vasitəçilərin ciddiyyətinə və istəyinə baxmayaraq, qeyd etməyə dəyər heç bir nəticə vermədi" ifadələrini işlətmişdi.