Fransa Türkiyənin Müdafiə İxracatındakı Sürətli Yüksəlişini Təsdiqləyir: 80% Artım

Fransa Müdafiə Nazirliyi parlamentə təqdim etdiyi hesabatda Türkiyənin müdafiə sənayesi sahəsindəki uğurlu yüksəlişini diqqətə çatdırıb. Hesabatda qeyd edilir ki, Türkiyə 2024-cü ildə müdafiə ixracatını 2023-cü ilə nisbətən 80 faiz artıraraq yeni rekord müəyyən edib. Bu kəskin artımın əsas səbəbi kimi pilotsuz uçuş aparatları (PUA) ilə bağlı imzalanan çoxsaylı ixrac müqavilələri göstərilir. Fransa sənədi, həmçinin, Türkiyənin bu sənayeyə böyük həcmdə yatırımlar etməyə davam etdiyini bildirir. Raporda vurğulanır ki, Türkiyə son on ildə qlobal ilk 10 ixracatçı arasında ən böyük irəliləyiş göstərən ölkələrdən biri halına gəlib.

Hesabat, qlobal müdafiə bazarındakı rəqabətin sürətlə dəyişdiyini və çoxqütblü dövrün yerləşdiyini ortaya qoyur. ABŞ, Rusiya və Almaniya kimi ənənəvi təchizatçılar bazarda əsas mövqelərini qorusa da, Çin, Cənubi Koreya və Türkiyə kimi "daha yeni aktorların" payı əhəmiyyətli dərəcədə artır. Bu yüksələn ölkələr məhsul çeşidlərini yaxşılaşdıraraq və daha çevik ixracat siyasətləri tətbiq edərək bazar payını genişləndirirlər. Fransız tərəfi hesab edir ki, bu yeni aktorların yüksəlişi, ənənəvi böyük ixracatçıların bazar paylarına ciddi təzyiq göstərir.

Fransanın 2025-ci il Silah İxracatı hesabatında ölkənin öz göstəriciləri haqqında da məlumatlar yer alır. Bildirilir ki, Fransa 2024-cü ildə 21,6 milyard avro dəyərində yeni sifariş alıb. Bu sifarişlərin 60 faizi Avropa ölkələrindən gəlib, Avropa Birliyi ölkələrinin ümumi payı isə təxminən 41 faiz təşkil edir. Bu tendensiya Avropadakı təhlükəsizlik mühitinin dəyişməsi və hərbi imkanların yenilənməsi ehtiyacının artdığını göstərir. Sənəddə diqqətə çatdırılır ki, Türkiyə Avropadakı təhlükəsizlik mühitinin formalaşması fonunda 2024-cü maliyyə ilində ABŞ-ın Hökumətlərarası Hərbi Satışlarında (FMS) ən böyük alıcılar arasında yer alıb. Bu fakt Türkiyənin həm istehsalçı, həm də alıcı kimi qlobal müdafiə dinamikasında mühüm yer tutduğunu göstərir.