Haləbdə böhran: Həll tapılmazsa, şəhər itiriləcək

Suriyada 8 ildən sonra, əsasən Heyət Təhrir əş-Şamın (HTŞ) rəhbərliyi ilə müxaliflər, ölkənin ikinci ən böyük şəhəri Haləb də daxil olmaqla, Hama ətrafında geniş ərazini ələ keçiriblər. Bu sürətli ələ keçirmə nəticəsində Əsəd rejimi əsgərləri və xarici ölkələrdən gəlmiş minlərlə milis hələ də şəhərdə gizlənir.

Təhlükəsizlik tədbirləri olaraq, müxaliflər Haləbə mülki əhalinin girişini qadağan ediblər və axşam saat 19:00-dan sonra komendant saatı elan olunub. Şəhərdəki vəziyyət çox gərgindir. Çörək tapmaq ən böyük problemdir, çünki fırınlar bağlanıb. QHT-lər şəhərə çörək daşıyır. Elektrik, içməli su, yanacaq və internet problemləri yaşanır. Mağazaların əksəriyyəti bağlanıb. Vətəndaşlar gələcəkdən narahatdı.

Haləb Beynəlxalq Hava Limanı da müxaliflərin nəzarətinə keçib və təmizləmə işləri aparılır. Əvvəllər rejimin, sonra isə YPG-nin nəzarətində olan hava limanındakı mülki təyyarələr 20 gün əvvəl Şama göndərilib. Ancaq köhnəlmiş hərbi təyyarələr hələ də oradadır.

Əsas problem HTŞ və Suriyada Milli Ordu arasında şəhərin idarə olunması ilə bağlı yaranan fikir ayrılığıdır. HTŞ-nin silah gücü ilə Milli Ordunun nəzarətində olan əraziləri ələ keçirməsi iddia olunur. Bu fikir ayrılığının HTŞ liderinin hər şeyi özünün idarə etmək istəməsindən qaynaqlandığı deyilir.

Müzakirələr davam edir, amma bu fikir ayrılığı həll olunmazsa, Haləbin itirilməsi böyük bir riskdir. Bu, Suriyadakı yeni prosesə də mənfi təsir edər.