"Malmö" Baş Məşqçisi: "Qarabağ" Güclü Komandadır

"Qarabağ" güclü komandadır.

İsveçin "Malmö" klubunun baş məşqçisi Henrik Ryudström, UEFA Avropa Liqasının Liqa mərhələsinin II turunda "Qarabağ"a qarşı keçirilən oyundan sonra verdiyi mətbuat konfransında bunu söyləyib.

Ryudström oyundan sonra:

"Qarabağ" güclü komandadır. Çox çətinlik çəkdik. Ancaq komandamdan razıyam. Qələbəyə layiq idik və istədiyimiz nəticəni qazandıq. Çox yaxşı müdafiə olunduq. İlk oyundan fərqli olaraq daha məntiqli oynadıq. Yeni təcrübə qazandıq.

"Qarabağ" - "Malmö" matçı qonaqların 2:1 hesablı qələbəsi ilə başa çatdı.