Mənbicə hücum: 8 illik gözləmənin sonu?

Suriyada, Türkiyənin qonşuluğunda gərginlik günü-gündən artır. Sultan Murad Önbaşı Birliyinin komandiri İbrahim Ələvi bu savaşın gedişatı ilə bağlı vacib açıqlamalar verib.

"Əməliyyat başlayır" deyən Ələvi, ilk hədəfin Əvn Səfər olduğunu bildirib. "Sirəyə Təpəsində rejimin yanısıra Xaraba və Qalatəl Məhsənli də PKK tərəfindən nəzarət altındadır. Hazırda əməliyyat Deyr Hafir ərazisində davam edir. Bu ərazi üçün də əməliyyatın başlanması yaxındır. Hər an hücum əmri verilə bilər" - deyə Ələvi əlavə edib. Mənbicdən 8 kilometr məsafədə olduqlarını vurğulayan komandir, "Hücum başladığı anda qarşımızda dayanmaları mümkün deyil. Fıratın şərqində qalan günləri sayılıdır. Bir neçə strateji yüksəklik var. Bu yüksəklikləri keçdikdən sonra şəhərin təmizlənməsinə başlayacağıq" sözlərini işlədib.

"8 illik gözləmənin sonu gəlir" deyən Ələvi, rejim və PKK-nın cəbhəni birlikdə paylaşdığını qeyd edərək, "Hər yerdə qadın snayperlər var. Mənbicə Kəndil qüvvələrini yığışdırıblar. Bütün dünya bir daha Mənbicdə bu təşkilatın nə qədər boş bir quruluş olduğunu görəcək. Hücum əmri ilə 8 illik gözləmə sona çatacaq" deyə bildirib.

Həmçinin, Hamada rejimin Rusiya ilə bağlı 25-ci diviziyasına hücum olub. Mətbuatda yer alan xəbərə görə, toplantı zamanı baş verən hücum nəticəsində general və polkovniklərin də olduğu 50 yüksək rütbəli zabit həlak olub. Diviziyanın 1 nömrəli generalı Süheyl Həsən də yaralanıb. Onlarla əsgər isə həlak olub və ya yaralanıb.