Məşhur hotellər şəbəkəsi məhkəməyə verildi

Beynəlxalq hotellər şəbəkəsi “Marriott International” tarixindəki ən böyük müştəri məlumatlarının pozulmalarından birinin qarşısını ala bilmədiyi iddiası ilə məhkəməyə verilib.

“Financial Times” xəbər verir ki, bu barədə London məhkəməsində britaniyalı jurnalist Martin Brayant  kollektiv iddia qaldırıb.

2014-cü ilin iyulundan 2018-ci ilin sentyabrına qədər hotel qonaqlarının məlumat bazalarına kənardan müdaxilə olunub.

Əldə edilən məlumatlara adlar, ev və e-poçt ünvanları, telefon nömrələri, pasport və bank kartları daxildir.

Qeyd edilən müddətdə bu hotellərdə təxminən yeddi milyon qonaq qalıb.

“W Hotels”, “Le Meridien Hotels & Resorts” və “Sheraton Hotels & Resorts”un məlumat bazalarının da haker hücumlarına məruz qaldığı qeyd edilir.