Rayya Nazaryan Bolqarıstan Parlamentinin Sədri Seçildi

Bolqarıstan Parlamenti istefa vermiş keçmiş sədr Natalya Kiselovanın yerinə Rayya Nazaryanı seçib. Bolqarıstan Sosialist Partiyasından (BSP) olan deputat Kiselova ümumi iclasın əvvəlində çıxış edərək öz ərizəsini təqdim etmişdi. O, istefasının səbəbini izah edərkən, "Gərgin mühitdə necə davranmaq lazım olduğunu göstərib vəzifədən çəkilirəm," ifadəsini işlətmişdi.

Nazaryanın namizədliyi, Bolqarıstandakı üç partiyalı iqtidar koalisiyasının əsas qüvvəsi olan Bolqarıstanın Avropa İnkişafı Naminə Vətəndaşlar (GERB) partiyası tərəfindən irəli sürüldü. Ümumilikdə 240 üzvü olan parlamentdə səsvermədə 220 deputat iştirak etdi. Keçirilən səsvermə nəticəsində Nazaryan 129 səslə parlament sədrliyinə seçilməyə nail oldu. Səsvermədə 77 deputat "əleyhinə" səs verib, 14 nəfər isə bitərəf mövqe tutub.

Yeni seçilən parlament sədrinin vəzifə müddəti iqtidar koalisiyasının qərarı ilə müəyyən edilib. Həmin qərara əsasən, sədr vəzifəsi "növbəli" olacaq. Rayya Nazaryan bu çərçivədə cəmi 10 ay müddətinə Bolqarıstan parlamentinə rəhbərlik edəcək.