Rəşad Nəbiyev Türkiyəli Həmkarı ilə Nəqliyyat Sahəsində Əməkdaşlığı Müzakirə Etdi
Azərbaycanın rəqəmsal inkişaf və nəqliyyat naziri Rəşad Nəbiyev Türkiyədə işgüzar səfərdədir.
Səfər zamanı Rəşad Nəbiyev Türkiyənin nəqliyyat və infrastruktur naziri Abdulkadir Uraloğlu ilə görüşüb. Görüşdə iki ölkə arasında nəqliyyat sahəsində əməkdaşlıq, Orta Dəhlizin daşıma potensialının artırılması üçün birgə görüləcək işlər, eləcə də Bakı-Tbilisi-Qars layihəsinin inkişafı məsələləri müzakirə olunub.
