Suriyada Müxaliflərin Ələ Keçirdiyi Silahlar Rusiyanı Narahat Edir

Noyabrın 27-dən etibarən Suriyada Beşşar Əsəd rejiminə qarşı başlayan hərbi əməliyyatlar nəticəsində silahlı müxaliflər bir sıra əhəmiyyətli şəhərləri ələ keçiriblər.

Hələb və İdlibdən sonra Tel-Rıfat da müxaliflərin nəzarətinə keçib. Müxaliflər rejimə məxsus çoxlu sayda silah və hərbi texnikaya yiyələniblər.

Pantsir və S-125 HSS hava-müdafiə sistemləri xüsusilə Hələbdə ələ keçirilib. Ekspertlər bu sistemlərin müharibənin gedişatını dəyişə biləcəyini bildirirlər.

Təhlükəsizlik üzrə ekspert Abdulla Ağar Hələbdə ələ keçirilən alçaq hündürlükdə uçan hədəflərə qarşı hava hücumundan müdafiə sistemlərinə diqqət çəkib: "Pantsir və S-125 HSS sistemləri və onların radarları ələ keçirilib. Bu sistemlərin nə dərəcədə işlək vəziyyətdə olduğu məlum deyil, amma işə salındıqda Rusiyanın strateji üstünlüyünü zəiflədə, hətta tarazlığı poza bilər. Bu sistemlər Suriyanın hava müdafiə qabiliyyətinin və İranın Livan və Suriyada yaratdığı erkən xəbərdarlıq sisteminin mühüm hissələri idi."

Bu hadisələr Rusiyanı ciddi narahat edir.