Təcili tibbi yardım TƏBİB-dən niyə alındı? - Nazirlə sədr arasında narazılıq

24.06.2020 09:40 1,141 baxış sayı 2 dəq. oxuma

Ümumi

Dünən axşamdan etibarən təcili və təxirəsalınmaz tibbi yardım xidməti Tibbi Ərazi Bölmələrini İdarəetmə Birliyindən (TƏBİB) alınaraq yenidən Səhiyyə Nazirliyinin tabeliyinə verilib.

Məlumata görə, dünən axşam saatlarında TƏBİB-in İdarə heyyətinin sədri Ramin Bayramlı Bakı Şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyevi işdən kənarlaşdıraraq onun yerinə Cavanşir Fərəcov təyin edib.

Baş verən bu hadisə R. Bayramlı ilə səhiyyə naziri Oqtay Şirəliyev arasında anlaşılmazlığa səbəb olub. Nazir bu təyinatla bağlı öz narazılığını bildirib.

Beləliklə də, Bakı Şəhər Təcili və Təxirəsalınmaz Tibbi Yardım Stansiyası yenidən Səhiyyə Nazirliyinin balansına qaytarılıb, Rauf Nağıyev isə yenidən əvvəlki vəzifəsinə təyin edilib.

Günay Mustafayeva

Sosial məsələlər müxbiri

Cəmiyyət həyatı və sosial məsələlər haqqında yazıram. İnsanların hekayələrini dinləmək və danışmaq mənim işimdir.

Bütün məqalələrə baxın