Tel Rıfat Azad edildi, Mehter Marşıyla Qələbə

Suriyada vəziyyət dəyişib, xəritə yenidən çəkilib. Müxalif qüvvələrin Haləbi ələ keçirməsi ilə başlayan hadisələr dünyanın diqqətini cəlb edib. İdlibdən sonra növbəti hədəf Hamanın olacağı deyilir.

Suriya rejimi, müxalif qüvvələr qarşısında aciz qalaraq, PKK/YPG-dən yardım istəməyə məcbur olub. Bu da YPG-nin ərazilərə nüfuz etməsinə imkan yaradıb.

Suriya rejimi nəzarət etdiyi əraziləri Fıratın şərqindəki PKK/YPG qüvvələrinə təhvil verməyə başlayıb. Fıratın şərqindən çox sayda YPG əsgəri Haləbə gətirilib və ağır silahlar yerləşdirilib.

PKK/YPG, Suriyanın şimal-şərqi ilə Tel Rıfat arasında terror dəhlizi yaratmaq planı qurmuşdu. Lakin, Suriyanın Milli Ordusu (SMO) bu plana mane olub.

SMO, PKK/YPG-yə qarşı "Azadlıq Səhəri" əməliyyatına başlayıb. Rakka-Haləb yolunu kəsərək, PKK/YPG-nin planını puç ediblər. Kuveyris Hərbi Hava Limanının ələ keçirilməsi ilə də Tel Rıfat-Minbic logistika xətti pozulub.

Suriyanın Milli Ordusu "Azadlıq Səhəri" əməliyyatı çərçivəsində Tel Rıfatın tam nəzarətini ələ keçirib və ətraf ərazilərdə əməliyyat davam edir.

Sosial mediada yayılan görüntülərdə Suriyalı türkmən qruplarının Tel Rıfata mehter marşı ilə girməsi, bir əsgərin isə torpağı öpməsi əks olunub. 8 ildir YPG/PKK terrorçularının nəzarətində olan, Türkiyə sərhəddinə 18 km məsafədə yerləşən Tel Rıfat azad edilib.