"Tolikdən özüm xahiş etdim ki, Əliyə həssas söz desin və..."

04.01.2021 13:27 700 baxış sayı 3 dəq. oxuma

Ölkə

"Mən Əlinin əmisi olsam da, ona ata əvəziyəm. Aparıcı Tarix Əliyevdən (Tolik) özüm xahiş etdim ki, Əliyə həssas bir şey desin və onun dili açılsın".

Bu sözləri açıqlamasında qazi Əli Məmmədovun əmisi Zabil Məmmədov deyib.

O aparıcının tənqid olunmasını sərt tənqid edib:

"Bizə görə Toliki tənqid edənlər qələt edir. Bizim səsimizə ilk səsi Tolik verdi. Özümüz Lənkəran şəhərində yaşayırıq, övladımız qazi olandan sonra heç kim gəlib dərdimizə şərik olmadı. Bu məsələyə biganə yanaşdılar. Biz hər gün Tolikin canlı yayımını izləyirik. Kənardan onu tənqid edib, ona artıq-əskik nəsə deyənlər gəlib bizə desinlər necə lazımdı başa salım. Tolikə söz deyənlər qələt edib, başların divara vururlar. Bu məsələni uzatmaq lazım deyil".

Qeyd edək ki, Tarix Əliyev canlı yayımda qazi Əli Məmmədova dediyi sözlərə görə tənqid olunub.

Orxan Cəfərov

Regional siyasət müxbiri

Yerli özünüidarə və regional siyasət haqqında yazıram. Bakıdan kənarda da nələr olduğunu bilmək vacibdir.

Bütün məqalələrə baxın