Tramp Suriyaya Qarışmayacağını Açıqladı

ABŞ-ın seçilmiş prezidenti Donald Tramp, Suriyadakı vəziyyətə dair fikirlərini bölüşərək, Bəşər Əsəd rejiminin süqutundan sonra Suriyanın öz taleyini özü həll etməli olduğunu bildirib. Trampın sözlərinə görə, nə ABŞ, nə də Fransa bu prosesə qarışmayacaq.

Tramp Parisdə Paris Match jurnalına müsahibə verərək, beynəlxalq böhranlar və Yaxın Şərq vəziyyəti barədə danışıb. O, Rusiya-Ukrayna münaqişəsinin həllinin prioritet məsələ olduğunu vurğulayıb.

Yaxın Şərq hadisələrinə toxunan Tramp, bölgənin idarə olunmasının Ukrayna və Rusiya ilə müqayisədə daha asan olduğunu deyib. Suriyadakı son hadisələrə də toxunan Tramp, Suriyanın öz problemlərini özü həll etməli olduğunu, ABŞ və Fransanın isə bu işə qarışmayacağını təkrarlayıb.

Tramp, Ukrayna ilə Rusiya arasındakı münaqişənin həllinin prioritet olduğunu bir daha qeyd edərək, bu münaqişədə minlərlə insanın həlak olduğunu xatırladıb. O, Yaxın Şərqin idarə olunmasının daha asan olduğunu fikirləşdiyini bildirib.

Qeyd edək ki, Tramp Paris səfəri zamanı Ukrayna prezidenti Vladimir Zelenski və Fransa prezidenti Emmanuel Macron ilə görüşüb.

Xatırladaq ki, noyabrın 27-də Suriyada rejim əleyhinə silahlı qruplar və Bəşər Əsəd qüvvələri arasında şiddətli döyüşlər baş vermiş, noyabrın 30-dan dekabrın 7-dək müxalifət qüvvələri Haləb, İdlib, Həmə və Hums kimi iri şəhərlərdə üstünlük qazanmışdır.

Dekabrın 7-də Şama daxil olan müxalifətə əhalinin də qoşulması ilə rejimin nəzarəti tamamilə itirib, Əsəd isə paytaxtdan qaçmaq məcburiyyətində qalıb. 61 illik Baas Partiyası hakimiyyəti sona çatıb.

Digər tərəfdən, Suriyada Milli Ordu dekabr ayında başlayan "Azadlıq Səhəri" əməliyyatı çərçivəsində Tel Rıfatı PKK/YPG terror təşkilatından azad edib. Münbiçin də azad edilməsi ilə Fırat çayı sahillərindəki əsas terror yuvası təmizlənib.