Uğur Şahin peyvəndin qeydiyyatı üçün ABŞ-a müraciət etdi

Alman əczaçılıq şirkəti “BioNTech” və ABŞ ortağı “Pfizer” bu gün ABŞ Qida və Dərman İdarəsinə koronavirus peyvəndinin qeydiyyatı üçün müraciət edib.

Bu barədə “BioNTech” şirkətinin baş direktoru və həmtəsisçisi, əslən türk olan Uğur Şahin açıqlama verib.

“ABŞ-da fövqəladə hallarda istifadəsinə icazə verilməsi üçün müraciət, namizəd peyvəndimizin dünya əhalisi üçün ən qısa müddətdə istifadəyə buraxılması baxımından vacib bir addımdır”- deyə Uğur Şahin qeyd edib.