10.000 dollardan az qiymətə Çin istehsalı elektrik avtomobili

Çin avtomobil istehsalçısı Wuling, Hongguang Mini EV-nin ikinci nəsil modelini rəsmi olaraq təqdim etdi. Bu gün sifarişlərə başlanan yeni Hongguang Mini EV, daha geniş salon ilə dizaynda əhəmiyyətli estetik dəyişikliklər təklif edir. Wuling Hongguang Mini EV nə təklif edir? Wuling avtomobili 4 qapılı kimi təsvir etsə də, Hongguang Mini EV əslində 5 qapılı heçbek kimi təqdim olunacaq. 2020-ci ildə debüt etdiyi gündən 1,4 milyonun üstündə satış həcminə malik birinci nəsil modelinin böyük uğurunu davam etdirəcək. Yeni Hongguang Mini EV şirkətin tamamilə yeni Tianyu S platformasında qurulub. Ona görə də, həm 3, həm də 5 qapılı versiyalarda satışa çıxarılacaq. Ölçüləri də əhəmiyyətli dərəcədə artıb. 5 qapılı versiyanın uzunluğu 3256 mm, eni 1510 mm, hündürlüyü 1578 mm, təkər bazası isə 2190 mm-dir.

Ölçülərin artması, Wuling-in yenilənmiş interyeri ilə daha geniş salonu əks etdirir. Əsas rəng kimi qəhvəyi və krem çalarları ilə yeni karamel rəngindən istifadə olunub. Bundan əlavə, ön panelin üstündə quraşdırılmış informasiya-əyləncə ekranı da var. İkinci nəsil Hongguang Mini EV, 16.2 kWh tutumlu lityum-dəmir-fosfat batareya paketi ilə qidalanan 30 kVt elektrik mühərriki ilə təchiz edilib. 205 km məsafəni 100 km/saat sürətlə qət edə bilir. Avtomobilin qiyməti 60.000 yuan, yəni 10.000 dollardan azdır (9850 dollar).