10.000 Prosessorlu Süper Kompüter Tayvanda Yaratılacaq

Nvidia və Foxconn şirkətləri Tayvanda süni intellekt əsaslı nəhəng bir superkompüter yaratmaq üçün əməkdaşlıq edirlər. Computex 2025 çərçivəsində elan olunan layihədə Nvidia-nın yeni nəsil Blackwell arxitekturasından istifadə edən 10.000 qrafik prosessoru olacaq. Bu "süni intellekt fabriki superkompüteri" adlandırılan sistem, yüksək emal gücü ilə tədqiqatçılar, texnologiya startapları və sənaye nümayəndələrinin istifadəsinə veriləcək.

Nvidia, bu superkompüteri dəstəkləmək üçün yeni nəsil bir mərkəz də qurur. Layihə, Tayvan Milli Elm və Texnologiya Şurasının investisiya dəstəyi ilə həyata keçirilir. Şura, layihə çərçivəsində ölkəni qlobal "süni intellekt adası"na çevirmək istəyir. Foxconn superkompüterin bütün infrastruktur təchizatını öz üzərinə götürəcək.

Sistem yalnız akademik və elmi tədqiqatlar üçün deyil, həm də Foxconn-un öz layihələri üçün istifadə olunacaq. Şirkət bu superkompüteri xüsusilə ağıllı şəhər infrastrukturunda, elektrikli nəqliyyat sistemlərində və istehsal xətlərində istifadə etməyi planlaşdırır. Sistemin məlumat emal gücünün birləşdirilmiş nəqliyyat sistemlərinin səmərəliliyinin artırılması, ictimai xidmətlərin optimallaşdırılması və qabaqcıl sürücü köməkçi sistemlərinin inkişafı kimi sahələrdə istifadə olunacağı bildirilir.

Layihənin ən böyük texnologiya tərəfdaşlarından biri olan TSMC də superkompüterin təqdim etdiyi yüksək performansdan faydalanacaq. Şirkətin tədqiqat və inkişaf bölmələri bu emal gücünü yeni nəsil yarımkeçirici texnologiyalarının inkişafında istifadə edəcəklər.