8800 mAh Batareyaya Sahib Güclü Telefon Yaxındır

Davamlı telefonları ilə tanınan Oukitel şirkəti, tezliklə WP210 modelini satışa çıxaracaq. Hələ dəqiq satış tarixi açıqlanmasa da, son məlumatlar cihazın dizaynı və xüsusiyyətlərini ortaya qoyub. Oukitel WP210-un texniki xüsusiyyətləri və dizaynı GSMArena tərəfindən paylaşılıb və Dimensity 8200 prosessoru, 12GB RAM və 512GB daxili yaddaş ilə təchiz olunacağını göstərir. Telefon Android 15 əməliyyat sistemi ilə işə başlayacaq, lakin proqram təminatının neçə il yenilənəcəyi hələ məlum deyil.

6.7 düymlük AMOLED ekranı, Full HD+ çözünürlüyü və 120Hz yeniləmə tezliyi ilə seçilən WP210, 550 nit parlaqlığa və Gorilla Glass 5 qorunmasına malikdir. Barmaq izi oxuyucusu ekranın altında yerləşir. Cihaz ümumilikdə dörd kameraya sahib olacaq: Ön tərəfdə 32MP Sony IMX615-AAJH5-C sensorlu özəl kamera, arxa tərəfdə isə 108MP Samsung S5KHM6SX sensorlu əsas kamera, 2MP GalaxyCore GC02M1 sensorlu makro kamera və GalaxyCore GC032A sensorlu dərinlik sensoru yer alacaq.

Ən diqqətçəkən xüsusiyyətlərdən biri isə 8800 mAh batareyası və 45W sürətli şarj dəstəyi ilə yanaşı, 10W tərs simsiz şarj imkanıdır. Bu, telefonun power bank kimi istifadəsinə imkan verir. Bundan əlavə, NFC, IP68 və IP69K suya və toza davamlılıq standartları, həmçinin MIL-STD-810H hərbi standart sertifikatı da telefonun xüsusiyyətləri arasındadır. 13.7 mm qalınlığı və 311 qram ağırlığı olan WP210, qırmızı, qara və boz rənglərdə satışa çıxarılacaq.

Qiyməti 400 dollardan aşağı olacaq telefon, avqustun ortalarından etibarən Oukitel-in öz veb səhifəsindən, avqustun sonundan isə Amazon vasitəsilə əldə edilə bilər.