Ağıllı saatlərin təhlükəli tərəfi: Sağlamlığa təhdid

Dünya üzrə, xüsusilə də ağıllı qurğulara ən çox tələbat olan ABŞ-da ağıllı saatlar əvəzsiz aksessuara çevrilib. Lakin, son araşdırmalar bu populyar qurğuların qolbaqlarının sağlamlıq üçün təhlükəli kimyəvi birləşmə olan PFAS-ı yüksək miqdarda ehtiva etdiyini ortaya qoyub.

“Environmental Science & Technology Letters” jurnalında dərc olunan bir araşdırmaya görə, PFAS insan sağlamlığına ciddi zərər verə bilər. Apple, Samsung, Fitbit və Google kimi aparıcı ağıllı saat istehsalçıları bu zərərli maddədən istifadə edirlər. Notre Dame Universitetinin apardığı tədqiqat bu məlumatı təsdiqləyir.

Araşdırma hansı saatların test olunduğunu və PFAS miqdarının nə qədər olduğunu dəqiq göstərməsə də, 30 dollardan baha qiymətə satılan ağıllı saatların qolbaqlarında PFAS-ın 50-90% olduğunu aşkar edib. Daha ucuz saatların qolbaqlarında isə bu maddə aşkarlanmayıb.

Apple şirkəti isə bu məsələyə cavab olaraq, sağlamlığa yönəlmiş yeni bir patent qeydə alıb. PFAS dərinin altına hoparaq qana qarışır və fiziki aktivlik zamanı, yəni saatlardan ən çox istifadə edilən vaxtlarda, tərlə qarışaraq təhlükəni daha da artırır. PFAS "əbədi kimyəvi maddə" kimi tanınır, çünki həm orqanizmdən, həm də ətraf mühitdən təmizlənməsi çox çətindir.

Bəs sizcə, ağıllı saatların bu təhlükəli tərəfi nə qədər ciddidir? Bu məsələ haqqında fikirlərinizi bölüşməyə dəvət edirik!