AMD Yeni Radeon RX Seriyasını Təsdiqlədi!

AMD şirkəti gözlənilən Radeon RX 8600 və RX 8800 qrafik kartlarının hazırlanmasını təsadüfən təsdiqlədi. Bu GPU-lar şirkətin ROCm GitHub səhifəsindəki yeniləmə zamanı sızan məlumatlarda "gfx12" kod adı ilə göründü.

Yeni nəsil AMD Radeon RX GPU-ları haqqında nələr bilirik? Məlumatlar göstərir ki, əvvəlki nəsil RX 7900 seriyasının "gfx11" koduna sahib olmasından fərqli olaraq, yeni GPU-lar RDNA4 arxitekturası ilə hazırlanıb. RX 8800 XT-nin işləmə sürətinin, şüa izləmə oyunlarında RX 7900 XTX-dən 45% daha yüksək olduğu gözlənilir. Bu da onu Nvidia RTX 4080 Super ilə rəqabətə girməyə hazırlayır, hətta RTX 5070 kimi gələcək kartlara da meydan oxuyacağı ehtimal olunur.

Yeni GPU-lar haqqında bildiklərimiz:

VRAM tutumu: RX 8800 XT-nin 16 GB VRAM ilə təchiz olunacağı gözlənilir.

Enerji istehlakı: Kartın 220 Vt enerji istehlakı olacağı bildirilir, yəni enerji səmərəliliyinin yüksək olduğunu göstərir.

Süni intellekt əsaslı FSR 4 texnologiyası: AMD-nin yeni təkmilləşdirilmiş FSR 4 texnologiyası süni intellekt əsaslı kadr göstərilməsi və enerji qənaəti imkanlarına malik olacaq.

Kütləvi istehsalın dekabr ayında başlayacağı və yeni RX 8600 və RX 8800 GPU-ların 6 yanvar 2025-ci ildə CES 2025-də təqdim olunacağı bildirilir. Yeni qrafik kartlarından əlavə, AMD-nin bu tədbirdə digər oyun və qrafika texnologiyalarını da təqdim etməsini gözləyirik. Qısacası, AMD-nin yeni RX 8600 və RX 8800 GPU-ları həm performans, həm də qiymət baxımından cəlbedici olacaq.

Sizin fikrinizcə, bu kartlar AMD-yə Nvidia və Intel ilə rəqabətdə üstünlük verəcəkmi? Rəylərinizi bizimlə bölüşməyi unutmayın!