Apple 4 Trilyon Dollarlıq Dəyərlə Tarixə Adını Yazacaq

2024-cü ildə səhmlərinin təxminən 40 faiz artması ilə Apple şirkəti 4 trilyon dollarlıq bazar dəyərinə çox yaxınlaşıb. Dekabrın 27-si tarixinə şirkətin dəyəri 3.92 trilyon dollar təşkil edir və tarixi həddi keçməsi üçün səhm qiymətlərində cüzi bir artım kifayətdir. Apple-ın 4 trilyon dollarlıq böyüməsinin əsas səbəblərindən biri də süni intellekt sahəsinə irəliləməsidir. Demək olar ki, bütün qurğularına Apple Intelligence xüsusiyyətlərini əlavə edən şirkət bu təşəbbüslərlə "qızıl böyümə dövrünə" qədəm qoyub.

Analitiklər, Apple-ın məhsullarına süni intellekt inteqrasiyası səylərini nəzərə alaraq şirkətin səhm hədəf qiymətini 325 dollara qaldırıblar. Hazırda 253 dollardan satılan Apple səhmlərinin gələn 12-18 ay ərzində artması gözlənilir. JPMorgan analitiki Samik Çatterci, Apple-ın 2024-cü ildə iki milyarddan çox aktiv istifadəçiyə çatdığını və bu sayədə böyüməsini davam etdirdiyini bildirib. Çatterci, şirkətin uğurunda xidmətlərə yatırımların da mühüm rol oynadığını vurğulayıb.