Apple Yeni Oyun Tətbiqini Təqdim Edəcək!

Növbəti həftə keçiriləcək WWDC 2025 tədbirində Apple, iPhone, iPad, Mac və Apple TV üçün hazırladığı yeni oyun tətbiqini elan etməyə hazırlaşır. Əldə olunan son məlumatlara görə, bu tətbiq ilə Apple oyun təcrübəsini tək bir mərkəzdə birləşdirəcək. Tətbiq istifadəçilərə cihazlarında quraşdırılmış oyunları işə salmağa və lider lövhələri kimi xüsusiyyətlərə giriş əldə etməyə imkan verəcək.

Uzun illərdir istifadə olunan Game Center-in yerini tutaq yeni tətbiq "Apple Games" adlandırılacaq. Əvvəlki illərdə oyun daxilində nailiyyətləri izləmək və dostlarla əlaqə saxlamağa imkan verən Apple'ın Game Center sistemi tamamilə bu yeni tətbiq ilə əvəz olunur. Bundan əlavə, Apple Arcade də bu yeni quruluşun bir hissəsi olacaq.

"Apple Games" tətbiqi yalnız Apple Arcade oyunlarını deyil, həm də App Store-un Oyunlar bölməsində olan üçüncü tərəf istehsalatlarını da əhatə edəcək. Tətbiqin ən diqqətçəkən cəhətlərindən biri də Mac versiyasında App Store-un xaricindən yüklənmiş oyunlara da giriş imkanı verməsidir. Beləliklə, Apple ekosisteminə daxil olan istifadəçilər müxtəlif mənbələrdən əldə etdikləri oyunlara tək bir yerdən daxil ola biləcəklər.

"Apple Games" tətbiqinin payızda bütün istifadəçilər üçün əlçatan olması planlaşdırılır və bütün cihazlar üzərində öncədən quraşdırılacaq. iPhone, iPad, Mac və Apple TV-də standart olaraq mövcud olacaq bu yeni proqram, Apple-ın oyun sahəsindəki istifadəçi təcrübəsini yenidən müəyyənləşdirəcək.