Asus ProArt P16 OLED Ekranlı Növbəti Nəsil Professional Laptop Artıq Satışdadır!

Avropa bazarında professional istifadəçilər üçün nəzərdə tutulmuş yeni bir laptop modeli ilə Asus öz mövqeyini möhkəmləndirir. ProArt P16 modeli, süni intellekt dəstəyi ilə təchiz olunmuş AMD Ryzen AI 9 HX 370 prosessoru, 32 GB LPDDR5X RAM və 1 TB SSD yaddaşla təchiz olunub. Əlavə yaddaş ehtiyacı olan istifadəçilər üçün ikinci M.2 slotu da mövcuddur.

Ekran seçimi olaraq iki variant təklif olunur: 2880x1800 piksel çözünürlükdə və 120 Hz təzələnmə tezliyinə malik OLED panel və ya 4K çözünürlükdə, lakin 60 Hz təzələnmə tezliyinə malik ekran. Hər iki ekran toxunma funksiyası ilə təchiz olunub. Istifadəçilər çözünürlük və ya görüntü keyfiyyəti arasından seçim edə bilərlər.

Üçlü fan sistemi və maye metal termal pasta ilə gücləndirilmiş soyutma sistemi, prosessor və qrafik kart arasında 120 vatt güc paylamasını təmin edir. Bu, yüksək performans tələb edən tətbiqlərdə cihazın sabitliyini qoruyur. Bütün bu güclü texniki xüsusiyyətlərə baxmayaraq, ProArt P16 cəmi 1.85 kq ağırlığında və 17 mm qalınlığında olduqca mobil bir cihazdır. 90 Wh batareya isə uzun müddətli istifadə imkanı verir, xüsusilə qrafik kartın az yükləndiyi hallarda.

Trekbəd sahəsində yerləşən Asus Dial Pad, video montaj və qrafik dizayn kimi yaradıcı işlərlə məşğul olan istifadəçilər üçün əlverişli fiziki idarəetmə vasitəsi kimi çıxış edir. Bağlantı portları arasında USB 4 dəstəyi ilə Type-C, HDMI 2.1, SD Express 7.0 kart oxuyucu və klassik USB-A portları yer alır. Qrafik kart variantları olaraq RTX 5060 (2915$) və RTX 5070 (3350$) təklif olunur.