Bürünən Ekranlı Dəbdəbəli Nötbük Artıq Satışda!

Lenovo şirkəti uzun illərdir üzərində işlədiyi, rulana bilən ThinkBook Plus Gen 6 adlı yeni noutbukunu 3299 dollara satışa çıxardı. 2025-ci il CES sərgisində ilk dəfə təqdim olunan bu cihaz, ekran texnologiyası ilə hər kəsin diqqətini cəlb etdi. Lenovo-nun ilk kommersiya məqsədli "rulana bilən" noutbuku olan ThinkBook Plus Gen 6, daşınabilirliyi və böyük ekran ölçüsünü tək bir quruluşda birləşdirir.

Cihazın 14 düymlük OLED paneli şaquli olaraq ekranın yuxarısından uzanaraq 16.7 düymə çatır. Bu dizayn, qatlanan ekran texnologiyasında rast gəlinən qırışma və iz problemlərini aradan qaldırır. Lenovo-nun yeni nəsil dizaynı ekranın fiziki çevrilməsini yüksək səviyyəli texniki xüsusiyyətlərlə birləşdirir. Panel 2000 x 2350 piksel çözünürlük, 120Hz yeniləmə tezliyi və 400 nit parlaqlıq təklif edir. Həmçinin rəng dəqiqliyi üçün 100% DCI-P3 dəstəkləyir.

ThinkBook Plus Gen 6, Dolby Atmos dəstəyi ilə Harman Kardon dinamiklərinə malikdir. Wi-Fi 7 və Bluetooth 5.4 dəstəyi ilə ən son simsiz əlaqə standartlarını da təklif edir. Cihazın giriş və çıxış portları arasında qulaqlıq-mikrofon birləşmə yuvası və Thunderbolt dəstəyi ilə iki Type-C portu var.

Aparat təchizatı baxımından Lenovo, performansdan daha çox səmərəliliyi önə çəkərək Intel Core Ultra 7 258V prosessorunu seçib. Bu prosessor ümumilikdə 8 nüvəyə (dörd performans və dörd səmərəlilik nüvəsi) malikdir və 4.8 GHz-ə qədər tezliklərə çata bilir. Qrafika üçün inteqrasiya olunmuş Intel Arc 140V həlli istifadə olunur. Cihaz 32GB LPDDR5X RAM və 1TB PCIe Gen 4 SSD ilə təchiz edilib və 66Wh batareyaya malikdir. 65W Type-C adapteri ilə enerji ilə təmin olunur.

Lenovo, ThinkBook Plus Gen 6-nın ənənəvi noutbuk formalarından kənara çıxan eksperimental bir model olduğunu bildirir. Məhdud sayda kütləvi istehsal olunan cihaz, brendin gələcək məhsul strategiyasına istiqamət verəcək bir texnoloji nümunə kimi qəbul edilir.