Cekson Cəssica yenidən Marvel aləminə qayıdır!

Netflix dövründə özünün solo serialı ilə tanınan Cekson Cəssica, uzun bir fasilədən sonra Marvel Kinematoqrafiya Kainatına qayıdır! Marvel Studiyoları sevilən qəhrəmanın dönüşünü rəsmi olaraq elan etdi. Bu dəfə Cəssica solo layihə ilə yox, "Daredevil: Yenidən Doğuş" serialının ikinci mövsümündə izləyicilərlə görüşəcək.

2026-cı ilin mart ayında yayımlanması planlaşdırılan yeni mövsümdə, Krysten Ritter yenidən Cəssica Jones obrazını canlandıracaq. Beləliklə, Ritter uzun illərdən sonra Marvel aləminə öz roluna qayıdır. Marvel son zamanlarda Netflixdən olan personajlarını geri qaytararaq əsas kinematoqrafiya kainatına inteqrasiya etməyə başladı. Daredevil, Punisher və indi də Cəssica Jones-un geri dönüşü ilə bu strategiya daha da aydın görünür.

“Daredevil: Yenidən Doğuş” serialının birinci mövsümündə Çarli Koks Mett Murdock, Vinsent D’Onofrio isə Kinqpin kimi tamaşaçıların qarşısına çıxdı. İkinci mövsümdə isə bu heyətə Debora Ann Voll və Krysten Ritter də qoşulacaq. Cəssica Jones və Daredevil əvvəllər “Müdafiəçilər” serialında birlikdə görünüblər. İndi isə "Daredevil: Yenidən Doğuş"da eyni istehsalda yenidən görüşəcəklər. Bu görüş Marvel azarkeşlərini çox həyəcanlandıra bilər.

Digər tərəfdən, "Müdafiəçilər" komandasının digər üzvləri olan Luk Keyc və Dəmir Yumruğun da Marvel Kinematoqrafiya Kainatına qoşula biləcəyi deyilir. Ancaq Marvel tərəfindən bu məsələ ilə bağlı hələlik heç bir bəyanat verilməyib. "Daredevil: Yenidən Doğuş"un ikinci mövsümünün çəkilişləri başlayıb və serialın 2026-cı ilin mart ayında Disney+ platformasında yayımlanması gözlənilir.