Dünyanın Ən Böyük 3D Çap Olunmuş Tikintisi Qatarda Ucalır

Qatarda həyata keçirilən nəhəng təhsil layihəsi, yalnız ölkə daxilində deyil, həm də qlobal miqyasda tikinti texnologiyalarında əlamətdar bir mərhələni təmsil edir.

Əşğal və UCC Holdinqin birgə həyata keçirdiyi layihə çərçivəsində 14 dövlət məktəbi inşa olunur. Bu məktəblərdən ikisi tamamilə 3D çap texnologiyası ilə inşa edilir və həcminə görə bu texnologiya ilə indiyədək tikilmiş bütün binaları geridə qoyur. Dünyanın ən böyük 3D çap olunmuş qurğusu yaxın zamanlarda təqdim olunacaq.

Layihədə Danimarka şirkəti COBOD tərəfindən istehsal olunan BOD2 XL model 3D printerlərdən istifadə olunur. Hər biri 50 metr uzunluğa, 30 metr enə və 15 metr hündürlüyə malik olan bu printerlər, robotlaşdırılmış nozzlelar vasitəsilə xüsusi beton qarışığını təbəqə-təbəqə yerləşdirərək binanın əsas çərçivəsini yaradır. Printerlər yalnız əsas quruluşu inşa edəcək, qapı, pəncərə və dam örtüyü kimi əlavə elementlər isə daha sonra əl əməyi ilə quraşdırılacaqdır.

İnşa edilən iki məktəb binasının hər biri 100 kvadratmetr sahəyə malik iki mərtəbəli binalardır. Memarlıq dizaynı Qatın təbii səhra relyefindən ilham alıb. Divarlarda xüsusilə nəzərə çarpan əyri və axıcı xətlər səhra qumlarını xatırladır. Qurğunun rəqəmli şəkilləri hələ yayımlanmayıb, ancaq istifadə olunan formaların ənənəvi düzbucaqlı memarlıqdan tamamilə fərqlənəcəyi və bu baxımdan çox təsirli olacağı bildirilir. Ümumi tikinti sahəsi 40.000 kvadratmetrdir. Hər biri 20.000 kvadratmetr olan iki 3D çap olunmuş məktəb, dünyada indiyədək tikilmiş ən böyük 3D çap olunmuş quruluşdan təxminən 40 dəfə böyükdür.

İstifadə olunan materiallar və printerin ölçüləri nəzərə alınarsa, bu rəqəm həm texnoloji imkanları, həm də sənaye miqyaslı 3D çapın yeni sərhədlərini göstərir. Bütün məktəb kompleksi 2025-ci ilin sonuna kimi tamamlanması planlaşdırılır. Vaxtında başa çatarsa, bu layihə mühəndislik və memarlıq dünyasında 3D çapın rolunda əhəmiyyətli bir dəyişikliyə səbəb ola bilər.

Səhradan ucalan bu qurğular, gələcəkdə dəmir-beton konstruksiyaların necə istehsal olunacağına dair bir çox fikri alt-üst edir.