Dünyanın Ən Yaxşı Fotoqraf Çəkən Telefonu

Telefon bazarındakı saysız-hesabsız seçimlər yeni cihaz almaq istəyənləri ciddi araşdırma aparmağa məcbur edir. Xoşbəxtlikdən, DxOMark kimi etibarlı platformalar müxtəlif modelləri spesifik meyarlara görə müqayisə edərək qərar vermə prosesini xeyli asanlaşdırır. Bəs hazırda dünyanın ən yaxşı telefonu hansıdır?

Vivo X200 Ultra dünyanın ən yaxşı fotoqraf çəkən telefonu adını qazanıb. DxOMark yaxınlarda Vivo X200 Ultra-nın kamera performansını açıqlayıb. Telefon fotoqrafiya sahəsində 173 bal toplayaraq dünyada birinci yeri tutub. Bokeh, ultra geniş bucaq və telefoto kimi meyarlarda da lider olub.

Bildiyimiz kimi, DxOMark balları yalnız foto performansına əsasən müəyyən olunmur. Burada ümumi kamera balı daha önəmlidir. Cihaz fotoqrafiya sahəsində dünyanın ən yaxşısı olsa da, xüsusilə 156 balla video çəkilişində gözləntiləri tam ödəyə bilməyib. Bu da ümumi balın 167 olmasına səbəb olub. Bu nəticə cihazı ümumi kamera performansı üzrə 169 balla bir müddətdir lider olan Oppo Find X8 Ultra-nın arxasında ikinci yerə qoyur.

DxOMark-ın ümumi kamera reytinqi aşağıdakı kimidir:

Oppo Find X8 Ultra - 169
Vivo X200 Ultra - 167
Huawei Pura 70 Ultra - 167
Apple iPhone 16 Pro Max - 161
Google Pixel 9 Pro XL - 160
Xiaomi 15 Ultra - 159
Honor Magic6 Pro - 158
Apple iPhone 16 Pro - 157
Huawei Mate 60 Pro+ - 157
Oppo Find X8 Pro - 157
Oppo Find X7 Ultra - 157
Huawei P60 Pro - 156
Apple iPhone 15 Pro Max - 154
Apple iPhone 15 Pro - 154
Google Pixel 8 Pro - 153
Oppo Find X6 Pro - 153
Honor Magic5 Pro - 152
Samsung Galaxy S25 Ultra - 151
Oppo Find X6 - 150
Vivo X100 Pro - 150