Epic Games Store 16 Oyunu Pulsuz Paylaşacaq

Bu ilki qış tətilləri ərzində Epic Games Store oyunçulara 16 pulsuz oyun hədiyyə edəcək. "The Legacy Collection", "Ghostwire Tokyo" və "A Plague Tale: Innocence" kimi məşhur oyunlar bu siyahıda yer alacaq.

Pulsuz oyunların 12 dekabr tarixindən başlayaraq 9 yanvara qədər hər gün təqdim olunması gözlənilir. Yəni, hər 24 saatda yeni bir pulsuz oyun əldə etmək mümkün olacaq. Tam oyun siyahısı hələ açıqlanmasa da, bəzi əlavə paketlərin də olacağı bildirilir.

Şirkət əvvəlki illərdə də oxşar oyunları pulsuz paylamışdı. Ancaq bu il əvvəlki illərdəki kimi əlavə endirim kuponlarının olmayacağı ehtimalı var. Yəni, 33% endirim kuponunun bu il geri qayıtmayacağı deyilir, amma bu hələ təsdiq olunmayıb.

Pulsuz oyunları əldə etmək çox asandır. Sadəcə bir Epic Games Store hesabınız olmalıdır. Oyunları Epic Games Store tətbiqini yükləmədən, birbaşa brauzeriniz vasitəsilə kitabxananıza əlavə edə bilərsiniz.