Galaxy S25 Seriyasının Gəlişinə Az Qalıb!

2025-ci ilin əvvəllərində satışa çıxması gözlənilən Samsung Galaxy S25 seriyası haqqında yeni məlumatlar ortaya çıxmaqdadır. Telefonların əsas xüsusiyyətləri artıq məlum olsa da, bəzi detallar hələ də sirr olaraq qalır.

Galaxy S25, S25 Plus və S25 Ultra modelləri FCC verilənlər bazasında SM-S931B, SM-S936B və SM-S938B kodları ilə qeydə alınıb. Bu, Ultra-Wideband (UWB) texnologiyasının yalnız Plus və Ultra modellərində olacağını təsdiqləyir. Telefonlar 5G, Bluetooth 5.4, NFC, GNSS və ikizolaqlı Wi-Fi dəstəyi ilə təchiz olunacaq. Ancaq şarj sürətləri əvvəlki seriya ilə eyni qalacaq: standart model üçün 25 Vt, Plus və Ultra modelləri üçün isə 45 Vt.

Söylənlənənə görə, Samsung Galaxy S25 Slim adlı bir model üzərində də işləyir. Lakin, mövcud məlumatlara görə, bu model seriyaya daha sonra əlavə ediləcək. Etibarlı mənbələr yeni seriyasının 22 yanvarda təqdim ediləcəyini və fevral ayının əvvəllərində satışa çıxacağını iddia edir. Rəsmi açıqlama olmadığı üçün bu xəbərlərə ehtiyatla yanaşmaq lazımdır. Galaxy S25 Slim modelinin isə nə zaman satışa çıxacağı hələ məlum deyil.