Galaxy Z Flip 7: Gözlənilən Yeniliklər

Samsung, qatlanan telefonlar bazarında öz mövqeyini möhkəmləndirməyə davam edir. Cənubi Koreyalı istehsalçı tezliklə istifadəçilərə Galaxy Z Flip 7-ni təqdim etməyə hazırlaşır. Son məlumatlara görə, model haqqında bəzi texniki detallar artıq məlumdur. Bəs, Galaxy Z Flip 7 nələr təklif edəcək?

Etibarlı mənbələr Samsung-un yeni telefonu Galaxy Z Flip 7-də Exynos 2500 prosessorunun istifadə olunacağını iddia edirlər. Bu yeni çipset 1+2+5+2 konfiqurasiyasına malik 10 nüvəli prosessordan ibarət olacaq. Daha ətraflı desək, prosessor 3.3 GHz tezlikli Cortex-X925, 2.75 GHz tezlikli iki Cortex-A725, 2.36 GHz tezlikli beş Cortex-A725 və 1.8 GHz tezlikli iki Cortex-A520 nüvələrindən ibarətdir. Qrafika tərəfindən isə AMD-nin RDNA3.5 arxitekturasına əsaslanan Xclipse 950 GPU ilə işləyəcək.

Qeyd edək ki, bu il təqdim edilməsi gözlənilən Z Flip 7 FE modelinin də eyni çipseti istifadə edəcəyi ehtimal olunur. Galaxy Z Flip 6-nın xüsusiyyətləri ilə tanış olmaq üçün isə aşağıdakıları qeyd etmək olar: Əsas ekran: 6.7 düym, 2640 x 1080 piksel, FHD+ Dinamik AMOLED, 425 ppi, 2600 nit parlaqlıq, 120 Hz yenilənmə tezliyi; İkinci ekran: 3.4 düym, 748 x 720 piksel, Super AMOLED; Əsas kamera: 50 MP f/1.7 OIS ilə, 12 MP f/2.2 ultra geniş bucaqlı kamera (123 dərəcə); Ön kamera: 12 MP f/2.2; Prosessor: Snapdragon 8 Gen 3 for Galaxy (4nm); Yaddaş: 12 GB RAM; Daxili yaddaş: 215 GB və 512 GB variantları; Batareya: 4000 mAh; Sürətli şarj: 25W, Simsiz şarj: 15W, Batareya paylaşımı dəstəyi; Qalınlıq: Qatlanmış halda 14.9 mm, açılmış halda 6.9 mm.