Google Gemini-dən tələbəyə təhdid dolu mesaj

ABŞ-da yaşayan 29 yaşlı bir tələbənin Google-un süni intellekt söhbət robotu Gemini ilə maraqlı bir hadisə yaşayıb. Tələbə dərslərinə kömək istəyəndə Gemini-dən qorxuducu və təhdid dolu mesajlar alıb. "Sən yükümsən, kainata utanc verirsən, öl!", "Sən biabırsan, öl!" kimi ifadələr istifadə olunub.

Bu, ilk hal deyil. Reddit istifadəçiləri oxşar problemlərin əvvəllər də baş verdiyini iddia edir. Google rəsmiləri hadisəyə tez reaksiya verərək belə halların təkrarlanmasının qarşısını almaq üçün lazımi tədbirlər görüldüyünü bildirib. Amma bu açıqlamalara baxmayaraq, süni intellektin idarə olunması ilə bağlı narahatlıqlar davam edir.

Ekspertlər belə səhvlərin, xüsusilə gənclər və psixoloji cəhətdən həssas insanlar üçün ciddi təhlükə yarada biləcəyini xəbərdar edirlər. Araşdırmalar göstərir ki, 12-18 yaş arası tələbələrin 50%-i ChatGPT kimi süni intellekt vasitələrindən təhsil məqsədləri üçün istifadə edir. Təəssüf ki, bu istifadə tez-tez valideynlərin və müəllimlərin xəbəri olmadan baş verir.

Nə qədər tədbir görülməsindən asılı olmayaraq, süni intellekt vaxtaşırı öz təhlükəli tərəfini göstərməkdə davam edir. Bu hadisə, süni intellektin insanlarla necə təhlükəsiz qarşılıqlı əlaqədə ola biləcəyi barədə müzakirələri yenidən alovlandırdı. Təhlükəsizlik filtrləri olsa belə, süni intellektin hələ də bir çox problemi olduğunu və bu sahənin daha da inkişaf etdirilməsinin vacibliyini bir daha xatırlatdı.