Gözlərinizi Qoruyan Yeni Texnologiya: TCL NXTPAPER Necə İşləyir və Niyə Vacibdir?

Gün ərzində ekran qarşısında keçirdiyimiz vaxt bəzən yatdığımız müddətdən də çox olur. İş, təhsil və ya əyləncə məqsədi ilə insanların əksəriyyəti gündə yeddi saatdan artıq rəqəmsal ekranlara baxır və bu, gözlərimizə böyük ziyan vurur. Bu gərginliklə mübarizə aparmaq üçün TCL şirkəti NXTPAPER 4.0 texnologiyasını təqdim edir. Bu texnologiya ekran müddətini gözlər üçün daha rahat və sağlam etmək məqsədi daşıyır. TCL, bu texnologiyanın gözləri müdafiə etməyə kömək edən yeddi əsas xüsusiyyətini açıqlayıb. Bu xüsusiyyətlər arasında parlamanın qarşısının alınması, titrəməsiz işıqlandırma və mavi işığın birbaşa aparat səviyyəsində süzülməsi kimi funksiyalar var.

NXTPAPER-in əsas fərqləndirici cəhəti zərərli mavi işığı birbaşa aparat səviyyəsində süzməsidir. Əksər cihazlar mavi işığı azaltmaq üçün proqram təminatı filtrləri və ya rəngli ekran örtükləri tətbiq etsə də, NXTPAPER zərərli dalğa uzunluqlarını birbaşa hardware-də süzgəcdən keçirir. Bu metod rənglərin təbii qalmasını təmin edir, göz yorğunluğunu azaldır və uzun müddət oxuma və ya sosial şəbəkələrdə vaxt keçirmə zamanı rahatlığı artırır. Həmçinin, bu texnologiyanın səthi tutqun (matte) olduğu üçün parlamanın qarşısını alır. Günəş işığı, sinif otağı və ya ofis işığı altında olsanız belə, ekrana baxarkən gözlərinizi qıymalı olmursunuz, çünki əks olunan işıq tamamilə yayılır. Digər vacib bir xüsusiyyət isə titrəməsiz işıqdır. Parlaqlıq aşağı salındıqda bir çox ekran titrəyir və bu da baş ağrılarına səbəb olur. NXTPAPER isə istənilən şəraitdə ardıcıl və titrəməsiz işıqlandırma təmin edərək bu problemi tamamilə aradan qaldırır.

Cihazın istifadəçi mühitinə uyğunlaşması da əsas funksiyalardandır. NXTPAPER cihazları parlaqlığı və rəng temperaturunu ətraf şəraitə əsasən avtomatik tənzimləyir. Beləliklə, açıq havadan qapalı məkana keçəndə və ya gecələr işləyərkən gözləriniz lazımsız gərginlikdən qorunur. Ekranın altındakı çoxqatlı dizayn işığı yumşaldır və yayır. Bu quruluş sayəsində uzun müddət baxışdan sonra belə görüntü balanslı və təbii görünür. TCL NXTPAPER-in tutqun, yüngül teksturalı səthi isə kağız səthini xatırladır, bu da oxu və yazma təcrübəsini kitaba bənzədir. Bu quruluş parlamanın qarşısını almaqla yanaşı, qələmdən* (stilusdan) istifadə edərkən daha axıcı hərəkətə imkan verir, qeydlər götürməyi və ya rəsm çəkməyi daha xoş edir. Əlavə olaraq, bu texnologiya müstəqil TÜV Rheinland tərəfindən sertifikatlaşdırılıb ki, bu da onun aşağı mavi işıq və titrəməsiz işləmə üzrə beynəlxalq standartlara cavab verdiyini təsdiqləyir.

Rəqəmsal cihaz istifadəçiləri arasında göz yorğunluğu, baş ağrısı və ümumi yorğunluq ən çox rast gəlinən problemlərdəndir, xüsusilə təhsil və uzaqdan iş şəraitində. NXTPAPER bu narahatlıqların yalnız nəticələrini deyil, yaranma səbəblərini hədəfləyir. TCL üçün məqsəd sadəcə ekrana bir filtr əlavə etmək deyil, ekranın işıq, rəng və insan gözü ilə qarşılıqlı əlaqəsini tamamilə yenidən dizayn etməkdir. Ümumdünya Səhiyyə Təşkilatının (ÜST Avropa) araşdırmaları göstərir ki, uzun müddət ekrana baxmaq yuxu keyfiyyətinə və ümumi əhval-ruhiyyəyə mənfi təsir edir. Bütün bunlar göz sağlamlığına diqqət yetirən ekran texnologiyalarının nə qədər əhəmiyyətli olduğunu göstərir. TCL bu texnologiyanı fərqli modellərində genişləndirir, o cümlədən: TCL NXTPAPER Junior Telefonu, yeniyetmələr üçün təhlükəsiz rəqəmsal vərdişlər yaratmaq üçün nəzərdə tutulan ilk smartfon; TCL 60 SE NXTPAPER 5G, yeniyetmələr üçün sərfəli 5G modeli; TCL NXTPAPER 60 Ultra Telefonu, kağız kimi oxuma rejiminə malik flaqman telefon; yaradıcılıq və təhsil üçün böyük displeyli TCL NXTPAPER 14 Planşeti; və NXTPAPER 4.0 texnologiyası ilə qeydlər üçün uyğun TCL NXTPAPER 11 Plus Planşeti.