Huawei-dən Yeni "Kirin X90" Prosessoru Gəlir!

Huawei şirkətinin masaüstü kompüterlər üçün nəzərdə tutulan yeni "Kirin X90" prosessoru haqqında yeni məlumatlar ortaya çıxıb. Bu prosessorun şirkətin HarmonyOS əməliyyat sistemini kompüter platformasına keçidində əsas rol oynaması gözlənilir. Sızdırılmış məlumata görə, "Kirin X90" ümumilikdə 10 nüvəyə sahib olacaq. Bu nüvələr "4 + 4 + 2" qruplarına bölünərək, Hyper-Threading dəstəyi sayəsində eyni zamanda 20 axını idarə edə biləcək. Prosessorun "Charlotte Pro" kod adı ilə hazırlandığı və bu ilin əvvəlində təqdim olunan Kirin 9010 prosessorunun masaüstü versiyası ola biləcəyi düşünülür.

Qrafika tərəfindən isə "Kirin X90" daha güclü Maleoon 920 GPU ilə dəstəklənəcək. Digər diqqət çəkən xüsusiyyət isə "Kirin X90" prosessorunun Çinin yerli kriptoqrafiya standartları olan SM3 və SM4 alqoritmləri üçün aparat dəstəyi təklif etməsidir. Bu, Huawei-nin yalnız proqram təminatı deyil, həm də prosessor arxitekturasında yerli həllərə üstünlük verdiyini göstərir. Şirkət bu yolla, xüsusilə məlumat təhlükəsizliyində nəzarəti əlində saxlamağı hədəfləyir. Prosessorun ilin sonunda təqdim edilməsi gözlənən ilk HarmonyOS əməliyyat sistemli noutbukda istifadə olunması planlaşdırılır. Beləliklə, Huawei həm əməliyyat sistemi, həm də prosessor tərəfindən kompüter bazarında inteqrasiya olunmuş həll təklif edəcək.