Huawei Enjoy 70X: Qiymət və xüsusiyyətləri açıqlandı!

ABŞ sanksiyalarının kölgəsində fəaliyyət göstərən Huawei, Enjoy 70X modelinin satışa çıxmasına sayılı günlər qalıb. Smartfonun 3 yanvar 2025-ci ildə təqdim olunması gözlənilir. Bu tarixə yaxınlaşdıqca, model ətrafında maraq daha da artır.

China Telecom-da yer alan məlumata görə, Huawei Enjoy 70X, 1.5K çözünürlüklü və 2160 Hz yüksək tezlikli PWM qaralma texnologiyasına sahib 6.78 düymlük OLED ekranla təchiz olunacaq. Ön tərəfdə 20 meqapiksellik özəl kamera, arxa tərəfdə isə 50 meqapiksellik (RYYB) əsas sensor və 2 meqapiksellik köməkçi sensordan ibarət ikili kamera sistemi yer alacaq. Ön panel "punch-hole" dizaynına, arxa panel isə dairəvi kamera moduluna sahib olacaq.

Cihazın Kirin 8000A prosessoru və 40 Vt sürətli şarj dəstəyi olan 6100 mAh batareyası olacağı gözlənilir. Qutudan çıxan əməliyyat sistemi isə HarmonyOS 4.3 olacaq. Qiymətlər isə belədir: 8 GB/128 GB – $246; 8 GB/256 GB – $274; 8 GB/512 GB – $315.

Xatırlatmaq üçün, ötən il satışa çıxarılan əvvəlki model, Enjoy 60X-in texniki göstəricilərini də əlavə edirik. Ancaq Enjoy 70X-in daha müasir və inkişaf etmiş xüsusiyyətlərə sahib olduğunu qeyd etmək lazımdır. Bu yeniliklər, əsasən prosessor və ekran texnologiyalarında özünü göstərir.