Huawei Nova 13 Seriyasının Qlobal Premyerası Yaxındır!

Oktyabr ayında Çində təqdim olunan Huawei Nova 13 seriyası artıq qlobal bazara çıxmağa hazırlaşır. Əvvəllər beynəlxalq satışa dair heç bir məlumat yox idı, amma son günlərdə vəziyyət dəyişdi.

Huawei rəsmi X hesabında Nova 13 və Nova 13 Pro modelləri ilə bağlı paylaşım etdi. Maraqlıdır ki, Çin texnologiya nəhəngi, dekabrın 12-də təqdim olunacaq Mate X6 üçün istifadə olunan heştaqlardan eyni heştaqları istifadə edib. Bu da Nova 13 seriyasının eyni tədbirdə təqdim olunacağını göstərir.

Gözlənilir ki, Huawei Nova 13 seriyasının qlobal və Çin versiyaları arasında texniki fərqlər olmayacaq. Yəni, smartfonlar 12 GB RAM və 256 GB-dan 1 TB-a qədər yaddaş variantları ilə, Kirin 8000 prosessoru ilə təchiz olunacaq.

Nova 13 və Nova 13 Pro modelləri yüksək performanslı xüsusiyyətləri, cəlbedici dizaynı ilə Azərbaycan bazarında da böyük maraq doğuracaq. Qiymət aralığı və satış tarixi barədə məlumatlar tezliklə açıqlanacaq.