İlon Maskın xAI şirkəti milyardlarla dollar xərcləyir

İlon Maskın böyük hədəflərlə süni intellekt sektoruna qədəm qoyan xAI şirkəti, xərclərinin miqyası ilə diqqət çəkir. Şirkətə yaxın mənbələrə görə, xAI 2025-ci ildə təxminən 13 milyard dollar xərcləyəcək. Bu, aylıq təxminən 1 milyard dollara yaxın pul axınının olduğunu göstərir.

Şirkətin il ərzində təxminən 500 milyon dollar gəlir əldə etməsi gözlənilsə də, bu rəqəmin xərclərlə müqayisədə olduqca az olması ciddi maliyyə təzyiqi olduğunu ortaya qoyur. xAI 2023-cü ildən bəri ümumilikdə 14 milyard dollar kapital cəlb edib. Lakin, 2025-ci ilin mart ayının sonuna qədər kassasında qalan məbləğ cəmi 4 milyard dollara enib. Mövcud xərcləmə sürəti davam edərsə, bu pulun ikinci rübinin sonuna qədər əhəmiyyətli dərəcədə azalması gözlənilir.

Qısamüddətli pul balansını qismən yüngülləşdirə biləcək başqa bir inkişaf isə xAI-ın bir hardware istehsalçısından alacağı gözlənilən 650 milyon dollarlıq geri qaytarma ödəməsidir. Bu geri qaytarma şirkətin pul axınına müvəqqəti töhfə verə bilər. Şirkətin 2025-ci ildəki ümumi xərclərini maliyyələşdirmək üçün təxminən 9,3 milyard dollar əlavə resursa ehtiyacı olduğu bildirilir. Bu məbləğin 4,3 milyard dolları yekunlaşmaq üzrə olan yeni bir investisiya turundan, 5 milyard dolları isə borc vasitəsilə təmin ediləcək.

Bundan əlavə, xAI-ın 2026-cı ildəki gəlir gözləntisinin yalnız 2 milyard dollar səviyyəsində qalacağı üçün şirkətin bu tarixdə də maliyyə axtarışlarını davam etdirməsi lazım olacaq. Təxminlərə görə, 2026-cı il üçün təxminən 6,4 milyard dollarlıq yeni maliyyə ehtiyacı yaranacaq. Bütün bu maliyyə çətinliklərinə baxmayaraq, xAI-ın bazar dəyəri artmaqda davam edir. Şirkətin qiymətləndirilməsi 2025-ci ilin birinci rübündə 80 milyard dollara çatıb. Bu, investorların xAI-ın uzunmüddətli potensialına inandığını göstərir.