iPhone 17 Air: İncəliyinə Baxmayaraq, Güclü Batareya!

Apple şirkəti iPhone 17 Air üzərində işlərinə davam edir. Cəmi 5.5 mm qalınlığı ilə seriyadakı ən incə model olacaq cihazda batareya texnologiyalarında əhəmiyyətli irəliləyiş əldə edilib. Son məlumatlara görə, şirkət ilk dəfə olaraq bu modelində silikon anodlu batareyadan istifadə edəcək. iPhone 17 Air, məhz bu batareya texnologiyası ilə diqqət çəkəcək.

Sözügedən texnologiya, Apple’ın təchizatçıları arasında olan TDK tərəfindən hazırlanmış yeni nəsil batareya elementlərinə əsaslanır. Adətən istifadə olunan qrafit anodlarla müqayisədə silikon anodlar eyni həcmdə təxminən 15% daha çox enerji saxlaya bilir. Bu fərq, xüsusilə 5.5 mm qalınlığında olan ultra incə cihazlarda batareyanın iş müddətini əhəmiyyətli dərəcədə artıra bilər.

Bundan əlavə, cihazda ultra geniş bucaqlı kameranın olmayacağı və daha az yer tutan Apple C1 modeminin seçiləcəyi bildirilir. Bu sayədə batareyaya ayrılan yer artırılır. Uzun müddət müzakirə mövzusu olan iPhone 17 Air-in batareya performansının, bu addımla cari modellərə yaxın bir iş müddəti təklif edəcəyi deyilir. Analitik Mark Gurman da cihazın aparat və proqram təminatı tərəfindən edilən optimallaşdırmalar sayəsində gözləntilərin üstündə batareya performansı göstərə biləcəyini bildirib.

Lakin Air modelinin batareya tutumu və ya proqram əsaslı enerji idarəetməsi ilə bağlı texniki detallar hələlik aydın deyil. Kamera tərəfindən isə məhsulun yalnız tək bir arxa kamera ilə gələcəyi bildirilir. Apple'ın bu çatışmazlığı Fusion Kamera sistemi ilə proqram təminatı vasitəsilə aradan qaldırmağı planlaşdırdığı deyilir.