Lenovo Legion 9i-nin Yeni Nəsli Gəlir!

Lenovo, oyunçular və peşəkar istifadəçilər üçün hazırlanmış Legion 9i seriyasına yeni nəsil model əlavə edib. Bu cihaz, yüksək performanslı aparat təchizatı və çılpaq gözlə izlənilə bilən 3D ekranı ilə diqqət çəkir. Yeni Legion 9i, Intel-in ən güclü mobil prosessorlarından olan Core Ultra 9 275HX ilə təchiz edilib.

Qrafika tərəfində isə yuxarı seqmentə aid NVIDIA GeForce RTX 5090 qrafik kartından istifadə olunub. Yaddaş və saxlama variantları olaraq isə Lenovo istifadəçilərə 192 GB-a qədər RAM və 8 TB-a qədər ümumi SSD tutumu təklif edir. Ekran tərəfində ən diqqət çəkən yenilik isə eynək tələb etməyən 3D dəstəkli paneldır.

Bu 18 düymlük panel həm 2D, həm də 3D rejimində işləyə bilir. 2D istifadədə çözünürlük 4K-a qədər çıxarkən, yeniləmə sürəti 440 Hz-ə çatır. 3D rejimində, həll gücü azalsa da, xüsusi linza texnologiyası və inteqrasiya olunmuş göz izləmə sistemi sayəsində əlavə avadanlıq tələb olunmadan üçölçülü görüntülər əldə etmək mümkündür.

Geniş əlaqə imkanları da təklif olunur. Cihazda iki Thunderbolt 5 portu, dörd USB 3.2 Gen 2 girişi, HDMI 2.1, SD kart oxuyucusu, Ethernet portu, Wi-Fi 7 və Bluetooth 5.4 dəstəyi mövcuddur. Kamera tərəfində isə model fərqləri özünü göstərir. 2D versiyada f/2 diafraqmalı 5 megapiksel kamera istifadə olunarkən, 3D versiyasında daha yüksək işıq həssaslığına malik f/1.6 diafraqmalı linza var.

Rəsmi satış qiyməti hələ açıqlanmasa da, əvvəlki modelin 4500 dollardan başlayan qiymətlərlə satışa çıxarıldığını bilirik. Bəs siz bu cihaz haqqında nə düşünürsünüz?