MSI-dən RTX 50 Seriyası ilə Yeni Noutbuklar!

CES 2025 sərgisində MSI, Nvidia GeForce RTX 50 seriyası qrafik kartları və Intel Core Ultra, AMD Ryzen prosessorları ilə təchiz olunmuş yeni noutbuk seriyasını təqdim etdi. MSI, yeni modellərində performans, dizayn və süni intellekt inteqrasiyasını bir araya gətirib. Bəs nə təklif edir?

Ən diqqət çəkən məhsullarından biri də Titan 18 HX-in xüsusi Dragon Edition Norse Myth versiyası oldu. Skandinav mifologiyasından ilhamlanan dizaynı əl işləməsi ilə fərqlənir. Titan 18 HX, 24 GB GDDR7 RAM və Intel Core Ultra 9 275HX prosessoru ilə yanaşı, Nvidia GeForce RTX 5090 Laptop GPU ilə təchiz edilib. Bundan əlavə, 18 düymlük 4K qətnaməli miniLED ekranı, 120 Hz yeniləmə tezliyi və HDR 1000 dəstəyi də var.

CES sərgisində diqqət çəkən digər oyun noutbukları isə MSI Raider və Vector seriyası oldu. AMD Ryzen 9 9955HX prosessoru və RTX 5080 GPU kimi xüsusiyyətlərlə təchiz olunan modellər daha əlverişli qiymətlərlə güclü oyun performansı təklif edəcək.

Oyunlardan əlavə, MSI biznes və məhsuldarlıq üçün də yeni modellər təqdim etdi. Venture seriyası noutbuklar 14 ilə 17 düym arasında ekran ölçülərinə malikdir. VenturePro seriyası isə ən son Nvidia GPU-ları və güclü prosessorlarla təchiz olunub, 4-5 saat əlavə batareya müddəti təmin edən inkişaf etmiş batareya sistemi ilə təchiz edilib.

Aparat təminatından əlavə, MSI CES 2025-də innovativ soyutma texnologiyalarını da təqdim etdi. Yeni SSD istilik borusu dizaynı PCIe Gen 5 SSD-lərinin temperaturunu 10°C-yə qədər azaldır. Bundan əlavə, Super RAID 5 texnologiyası Gen 5 və Gen 4 SSD-ləri birləşdirərək 18.000 MB/s oxuma sürəti əldə edərək yaddaş performansını yaxşılaşdırır.

MSI hələ yeni modellərin qiyməti və satış tarixi barədə rəsmi açıqlama verməyib. Ancaq təqdim olunan modellərin həm oyun, həm də biznes dünyasının diqqətini cəlb edəcəyi görünür.