Nəhəng Asteroid Yerə Yaxınlaşır! Canlı Yayım

Bu gün, 3 dekabr 2024-cü ildə, 2020 XR adlı nəhəng asteroid Yerə çox yaxınlaşacaq. Saat 21:30-da (Bakı vaxtı) başlayacaq canlı yayımda bu göy cismini izləyə bilərsiniz. Təxminən 290 ilə 650 metr diametrli olan bu asteroid, orta ölçülü göydələnlə müqayisə edilə bilər. Nəhəng asteroid Yer kürəsindən 2.2 milyon kilometr məsafədən, Yerdən Aya qədər olan məsafənin təxminən 5.7 qatı qədər uzaqdan keçəcək.

NASA-nın Yerdən Yaxın Cisimlərin Öyrənilməsi Mərkəzi (CNEOS) tərəfindən "potensial təhlükəli" kimi təsnif edilən bu asteroidin keçidi heç bir risk yaratmır. Elm adamlarına görə, belə yaxın keçidlər ildə bir dəfə baş verir və daim monitorinq edilir.

Bu səma hadisəsini qaçırmaq istəməyənlər üçün Virtual Teleskop Layihəsi 3 dekabr 2024-cü il tarixində saat 21:30-da canlı yayım təşkil edəcək. İtalyan astrofizik Gianluca Masi tərəfindən idarə olunan layihə, asteroidin ən parlaq və Yerə ən yaxın olduğu anı göstərəcək.

Belə hadisələr, həm astronomiya həvəskarları, həm də elm adamları üçün əla fürsətdir. Çünki asteroidin yaxından müşahidəsi Günəş sisteminin dinamikasını daha yaxşı başa düşməyə və potensial təhlükələrin monitorinqini təkmilləşdirməyə imkan verir.

Bu səma hadisəsini Virtual Teleskop Layihəsinin rəsmi veb saytı və YouTube kanalında pulsuz izləyə bilərsiniz.