Netflix Tamamilə Yeni Dizayna Keçir!

Televizor ekranlarında Netflix istifadəçi təcrübəsini yeni səviyyəyə qaldırmaq üçün əsaslı yeniliklərə hazırlaşır. Təqdimatda nümayiş etdirilən yeni interfeys sadəliyi və daha effektiv məzmun tövsiyə sistemi ilə diqqət çəkir. Yaxın həftələr ərzində bütün istifadəçilər üçün yeni dizayn aktiv olacaq.

Yenilənmiş sistemdə, istifadəçilərin seçim etməsini asanlaşdırmaq üçün filmlər və serialların adları altında "Emmi Mükafatı Qazanan" və ya "Serialar arasında 1 №-li" kimi təsvirlər əlavə edilib. Bu sayədə, istifadəçilər maraqlandıqları proqramları daha tez tapa biləcəklər. Əvvəllər ekranın sol tərəfində yerləşən "Axtarış" və "Mənim Siyahım" qısayolları istifadəçilər üçün daha əlçatan olması üçün səhifənin yuxarısına köçürülüb. Bu menyuların daha görünən hala gəldiyi bildirilib.

Netflix ana səhifəsindəki tövsiyə alqoritmi də yenilənir. Yeni sistem istifadəçi vərdişlərinə daha həssas olacaq və maraqlarına uyğun daha dəqiq nəticələr təqdim edəcək. Bundan əlavə, platformanın ana səhifəsi daha sadə və müasir dizaynla yenilənib. Bu yeni görünüş istifadəçi təcrübəsini daha rahat edəcək. Yeniliklər yalnız televizorlar üçün deyil, mobil cihazlar üçün də olacaq.

Netflix, mobil axtarış sisteminə generativ süni intellekt inteqrasiya edən yeni beta tətbiqini sınaqdan keçirməyə hazırlaşır. iOS cihazlarında mövcud olacaq sistem, istifadəçilərin təbii dil istifadə edərək məzmun axtarmasına imkan verəcək. Yaxın həftələrdə Netflix, məzmununun qısa kliplərini əks etdirən şaquli axını da sınaqdan keçirməyə başlayacaq.