Nintendo Birinci Nəsil Switch üçün Dəstəyi Dayandırmır!

Nintendo, gələn ay satışa çıxarılacaq yeni nəsil Switch 2 oyun konsolu olmasına baxmayaraq, mövcud Switch istifadəçilərini kənarda qoymayacaq. Şirkət 2017-ci ildə satışa çıxardığı birinci nəsil Switch modelinə dəstəyin uzun müddət davam edəcəyini rəsmən açıqlayıb. Son maliyyə hesabatında, Pokémon Legends: Z-A, Metroid Prime 4: Beyond, Pokémon Champions, Rythm Heaven Groove və Tomodachi Life: Living the Dream kimi yeni oyunların da birinci nəsil Nintendo Switch üçün hazırlandığı bildirilib.

Dünya üzrə 100 milyondan çox insanın hələ də Switch istifadə etdiyini və bu auditoriyaya yeni oyunlar təqdim etməyə davam edəcəklərini bildirən Nintendo, dəstək müddəti üçün dəqiq bir vaxt cədvəli açıqlamasa da, Switch üçün planlaşdırdıqları oyunların bəzilərinin 2026 və 2027-ci illərdə satışa çıxması gözlənilir. Bu, həm şirkətin, həm də üçüncü tərəf tərtibatçıların ən azı daha iki il mövcud konsolu dəstəkləyəcəyini göstərir.

Switch 2-nin satışa çıxmasına baxmayaraq, Nintendo-nun birinci nəsil konsola davamlı dəstəyi, şirkətin keçmiş siyasətinə uyğun bir xətt izlədiyini göstərir. Şirkət yeni nəsil konsol üçün eksklüziv oyunlar hazırlamağa başlasa da, köhnə istifadəçiləri tamamilə geridə qoymayacaq. Xbox və PlayStation platformalarından fərqli olaraq, Nintendo yeni modelin satışa çıxması ilə köhnə modelə dəstəyi dayandırmaq strategiyasını izləmir.