Ofis Proqramları Süni Zəka Təliminə Yardımçı Olurmu?

Microsoft, ChatGPT kimi süni intellekt tətbiqlərinin ən böyük dəstəkçisi və investorlarından biridir və xüsusilə Windows sistemlərindəki Copilot vasitəsilə süni intellektdən geniş istifadə edir. Süni intellektin əsas məntiqi, mövcud biliklərlə təlim almış bir sistemə əsaslanır. Bəs Microsoft-un Word və Excel kimi ofis proqramları süni intellektin təliminə kömək edirmi?

Microsoft, bu barədə açıqlama verərək, Word və Excel kimi tətbiqlərin məlumatlarından süni intellektin təlimi üçün istifadə etmədiklərini bildirib. Lakin, yaxın zamanlarda Microsoft tərəfindən buraxılan bir yeniləmə ilə “Bağlantılı təcrübələr” xüsusiyyəti avtomatik olaraq aktivləşdirilir və istifadəçilər istəməsələr, bunu əl ilə söndürməlidirlər. Bu xüsusiyyət sayəsində Microsoft 365 və ya Ofis proqramlarından çoxlu məlumat toplanıla bilir. Bu vəziyyət istifadəçilər tərəfindən OpenAI-ın GPT süni intellektinin təlimində istifadə olunması ehtimalına dair şübhələrə səbəb olub. Hətta, bəzi istifadəçilər gizlicə aktivləşdirilən və sənədlərinizin taranmasını təmin edən bir “opt-out” xüsusiyyətinin olduğunu bildiriblər.

Microsoft-un bu addımı, müəllif hüquqları olan məzmun yaradan istifadəçilər üçün narahatlıq doğurur. Əgər siz də öz əsərlərinizi qorumaq istəyirsinizsə, bu xüsusiyyəti əl ilə söndürməyiniz məsləhət görülür. Xatırladaq ki, əvvəllər Microsoft-a məxsus LinkedIn şirkəti də oxşar bir məsələ ilə üzləşmiş və istifadəçi məlumatlarını süni intellekt təlimi üçün toplamaqda ittiham olunmuşdur. "Bağlantılı təcrübələr" xüsusiyyətini söndürmək üçün Fayl > Seçimlər > Etibar Mərkəzi > Etibar Mərkəzi Parametrləri > Məxfilik Seçimləri > Məxfilik Parametrləri > Seçimli Bağlantılı Təcrübələr yolunu izləyə bilərsiniz.

Bütün bunları nəzərə alaraq, bu məsələ ilə bağlı fikirlərinizi bildirməyinizi xahiş edirik.