OpenAI və Coni Ayvın ortaq layihəsi hüquqi maneələrlə üzləşir

Dünyaca məşhur dizayner Coni Ayv ilə OpenAI-ın birgə yaratdığı "io" brendi, kommersiya satışına çıxmazdan əvvəl hüquqi maneə ilə qarşılaşıb. Brendə aid bütün məzmun OpenAI-ın rəsmi saytından və sosial media platformalarından silinib. Şirkət hardware yönümlü əməkdaşlığın davam etdiyini açıqlasa da, "io" adı artıq heç bir ictimai mediada görünmür.

Məsələnin arxasında isə Google-un ana şirkəti X (əvvəllər Moonshot Factory) tərəfindən dəstəklənən, eşitmə texnologiyaları üzərində çalışan "iyO" adlı başqa bir texnologiya təşəbbüsü dayanır. "io" adının istifadəsinə dair "iyO"-nun ticarət nişanı şikayəti nəticəsində məhkəmə qərarı ilə bu səhifə müvəqqəti olaraq bağlanıb. OpenAI şikayətlə razılaşmadığını və variantlarını araşdırdığını bildirib.

Məhkəmənin qərarı ilə "io" brendinə aid bütün rəqəmsal məzmun OpenAI tərəfindən müvəqqəti olaraq silinib. Adların oxşarlığı üzündən yaranan bu ticarət nişanı mübahisəsi hələ həll olunmayıb. OpenAI sözçüsü Kayla Vud mövzu ilə bağlı açıqlamada bildirib ki, "iyO"-nun "io" adının istifadəsinə dair ticarət nişanı şikayətinə dair məhkəmə qərarı səbəbindən səhifə müvəqqəti olaraq bağlanıb. Şirkət şikayətlə razılaşmadığını və variantlarını qiymətləndirdiyini bildirib. Şirkətin məhkəmə qərarından apellyasiya şikayəti verəcəyi, lakin hazırda məzmunun tamamilə silindiyi qeyd edilib.

OpenAI ilə Coni Ayv arasındakı əməkdaşlıq 21 May 2025-ci ildə ictimaiyyətə elan edilmişdi. Həmin tarixdə verilən açıqlamada OpenAI-ın təxminən 6,5 milyard dollarlıq büdcə ilə Ayvın "io" təşəbbüsünü öz üzərinə götürdüyü və tamamilə yeni bir hardware məhsulunun hazırlanacağı bildirilmişdi. Hardware layihəsinin təfərrüatları hələ ictimaiyyətlə paylaşılmasa da, bu ticarət nişanı mübahisəsi layihənin adına dair əsaslı düzəliş tələb edə bilər.