OPPO K13 Turbo: Performans Testlərindən İlk Nəticələr

OPPO-nun yeni telefonu K13 Turbo, əlçatan qiymətə yüksək performans vəd edir. Son günlərdə Geekbench verilənlər bazasında görünən PLM110 kod adlı bu modelin test nəticələri də bunu təsdiqləyir.

Sinqll-core testdə 1126, multi-core testdə isə 4999 bal toplayan K13 Turbo, MediaTek Dimensity 8450 prosessoru və 12 GB RAM ilə təchiz olunacaq. Hətta 16 GB RAM variantının da satışa çıxarılması gözlənilir. Telefon Android 15 əməliyyat sistemi ilə işə başlayacaq.

Etibarlı mənbələrə görə, OPPO K13 Turbo seriyasının dizaynı əvvəlki modellərlə oxşar olacaq. Ultra nazik çərçivəli ekran və arxa tərəfdə şaquli düzülüşlü iki əsas kamera ilə yanaşı əlavə bir sensor da gözlənilir. Bu yeni smartfonlar 21 iyulda rəsmi olaraq təqdim ediləcək.

Sizin fikrinizcə, OPPO K13 Turbo gözləntiləri doğruldacaq?