OPPO Pad 3-ün xüsusiyyətləri açıqlandı!

Çin bazarında bu gün satışa çıxarılacağı gözlənilən OPPO-nun yeni Pad 3 planşeti haqqında əsas xüsusiyyətlər artıq təsdiqlənib. Bəs OPPO Pad 3 bizə nələr təklif edir?

MediaTek Dimensity 8350 prosessoru ilə işləyən Pad 3, Android 15 əsaslı ColorOS 15 ilə təchiz olunacaq. Daxili yaddaş həcmi 512 GB-a qədər olacaq. Əməliyyat yaddaşının (RAM) həcmi haqqında dəqiq məlumat yoxdur, lakin Pro versiyasındakı kimi 8 GB və 12 GB variantlarının olacağı gözlənilir.

Şirkət, batareyanın 70 günə qədər gözləmə müddəti təmin edəcəyini bildirir, lakin batareyanın tutumu açıqlanmayıb. Pad 3 gümüşü və bənövşəyi rənglərdə satışa çıxarılacaq. Cəmi 6.29 mm qalınlığı və 533 qram çəkisi ilə incə dizaynı diqqət çəkir.

Şayiələrə görə, planşet 11.6 düymlük, 2.8K çözünürlüklü, 144 Hz yenilənmə tezliyinə malik LCD ekrana sahib olacaq. 9510 mAh batareya və 67W sürətli şarj dəstəyi ilə uzun istifadə müddəti və sürətli şarj imkanı təklif edəcək.